{ أَبَِيَِّ أصَرُخ [ وأَقَّولَّ ] إنَُ آلفَِرحَّ خَوََّآنُـ }

أبي أبكي من الضيقة و ابعزف للهموم الحان
ابي اطلق مواويل الحزن و طرح كل دواويني



ابي اشكي ابي احكي ابوصف للبشر حرمان
ابـيهمـ كلهمـ يـدرون ابــيهمـ يشعـروا فـيني



ابي لامن طرى اسمي بكى من لوعتي العشاق
ابي لامن طرى عاشق ذكر من كان يغليني



ابيهمـ يـذكـرون انـي صـرت بـدمـعتـي غـرقان
ابيهمـ يعروفون الهمـ هو اللي صار يخاويني


ابـي اصرخ و ابلغهمـ و اقـول ان الفـرح خوان
يجي مـرة معاي و هو طول العمر نـاسيني



ابي اترك لهمـ قصة و اخيرهمـ على العنوان
يسمـوا حـزن يحطـوا دمـع مـا عـاد يـعنيني


ابي لامن وصل صوتي يحس بضيقتي انسان
ابي لامن نزف جرحي لقيت اللي يـداويني



ابي شخص يحيى يمـي و يقفـل للعنا بيبـان
ابيه يكون لي خلٍ و على حزني يواسيني



ابيه لمـركبي مـرسى و ابيه لغـربتـي اوطان
ابـي لامـن ذرفـت الـدمع لقيته لي يعـزيني



انا ما ابيه يصبح ضلع ابيه يكـون لي اضلاع
ابي لامن مشيت و طحت يحط يديه في يديني


غلامن خانني التعبير ابيه يكون لي لسان
ابي لامن سكت القاه يفهم من نظـر عيني



ابي لامن تعبت و ضقت يلم الروح بالأحضان
ابيـه يكـون لـي كتـاب اذا ضـاعـت عناوينـي


ابي اعشق و ابي اغرم و ببني للهوى بنيان
ابيه يكون مبنى ضخم و يسكن فيه مغليني


ابي واحد يسكن بي و ابطرد لأجله السكان
ابي يسكن وسط قلبي و عمره ما يخليني


ابي اشعل شموع الحب وبأعطي من الغلا بستان
ابــي اهــديــه بـاقـة ورد مـسقيــها شرايني<<

صح لسانك

يسلمو ع المرور